سلام الله عليكـي يالجفولـه وشـو  المطلـوب

مساء الخير قوليلـي و ش الطالـب و مطلوبـه

انا جيتك واناواضـح حشـا ماجيتلـك مقلـوب

وترى عيبً علي امشي خطـاي اليـوم مقلوبـه

عرفت ان الوفا يضحك ولكـن سودتـه قلـوب

وانا مالي ومال القلب الاسـود لا كشـف ثوبـه

انا مادري وش الخافي ولا ادري وشو  المكتوب

على الله وشو الخافي عـسالله يكشـف  غيوبـه

امانه وضحي وشو مرادك باكشـف المحجـوب

غروب الوقت لو بعثر زمانـه يكشـف عيوبـه

انا راحل ولـي قصـه ولكـن قلتهـا مسلـوب

ابحكي قصة العالـم عـن اول واخـر  اذنوبـه

الا يا بنت وش رايك مشيت الصادق المرعـوب

وطيت الدرب الاعمى في طريقي شفت  عذروبه

مشيت الغربه القشرى ضحكت ببسمة المغلـوب

مشيت الدرب الاقشر في طريقي باول  غروبـه

نسيت اجدار حارتنا نسيت النـاس  والمحبـوب

نسيت اللي نساني يوم ضـاع وضيـع  دروبـه

وفيت وقلت يا وقتي عـسالله مايجيـب  عيـوب

صدقت وقلت يا وقتـي تبيـن وتفتـش  جيوبـه

تحملت الاسى طفلً ترعرع في زمـن لاهـوب

يشيل ادموع من عينه يعيـش بـروح مرعوبـه

لعب وجه الزمن عيت قسا وة لوعتـه  لاتـوب

يعيش بـروح مقهـوره ومجروحـه ومسلوبـه

انا يرسم على ثور الـزلازل حظـي المنكـوب

انا ديرة حـزن والله ضحيـة حـرب  منكوبـه

مثل حظ الفقير اللي على المره يجي مضـروب

تشوف الضحكه بوجه وهي ضحكه  ومغصوبـه

يبي يستر خفا عيشه يعيـش بعيشتـه مغصـوب

على خـده ملامـح نـار مكويـه  ومضروبـه

مثل صورة فتى توه توفـى والكفـن لـه ثـوب

وتشوف الصوره الحلوه على الجدران  مكبوبـه

حياتي كلها الامً علـى غربـه معاهـا  اذنـوب

مع اوجاع الزمن هـذا لـو ان النـار مشبوبـه

ولكن يالجفولـه لا تخافـي دامنـي  محسـوب

لـك الله ماتهـاون لزمـان وحـر لا  هـوبـه

عشان اصدق معك قلت الحقيقه ماعرفت اهروب

تبين الصدق جاك الصدق طوبه من ورى طوبـه

انا كنـي بلقـاك انتـي اذوب واحتـرق واذوب

انا كني قريـب لـك واشوفـك حيـل مقروبـه

هو احساسي يشد القلب يمك والبشر في صـوب

اشوفه ماقـدر يصبـر يشوفـك اقـرب قلوبـه

ولكن مادري احساسك يبادل نظرتـي  بغـروب

او انه مايبي غيـري لـو ان النـاس  محبوبـه

وانا جيتك وابي صدقك وامانه خلـي المكـذوب

ابي صدقك ترى صدقك يريـح نفـس رعبوبـه

وانا مادري وش الخافي ولا ادري وشو المكتوب

على الله وشو الخافي عـسالله يكشـف  غيوبـه

الشاعر / عبدا لعزيز بن بندر