مبروك يامساعد ربيع زعيم  القصيد

على ترقيك يامرقا الشـرف والفـدا

ماهي غريبه لياعلقت رتبـه عقيـد

مادام كلن يعرف انك وريث  عقـدا

لو كان رتبتك تفخر فيك قايد  وسيد

ولو انها من مدى هيبتك تاخذ مـدا

سلمن لكم من قديم الوقت ماهو جديد

محللين الوفـاء ومحرميـن  الـردا

ربعن لهم في تليد المجد مجدن  تليد

حماية الوجه عز الجـار ذل  العـدا

نوادر رجال عبس اللي تضد الضديد

ومن الطنخ قبل لاتنادا تلبـي النـدا

مقادم الطيب فريس النهار  الشديـد

مسنعت كا مخطي عن طريقه  غـدا

اهديت لك من فريدك كل شعرن فريد

لاقلت له ينتهي بك يامساعـد  بـدا

الشاعر/ زعل الرشيدي

جينا : على حروة  وعدك

انـا وقلبـي والضنـون

نـجـدك ولأ مانـجـدك

عيون تبحث عن  عيـون

قلبي من السطـوه  وردك

يقصر خطاويه  السكـون

أثريـك باذلـي جهـدك

وانا من الوقت مغبـون !

يآخر طموح اللي  قصدك

وأول علامـات الجنـون

جيناك وابشر في سعـدك

ويخون ربك مـن يخـون

تعال عندي  هات  يـدك

لليل بوجـودك شجـون

واللي على الجلسه حسدك

قله :  شـوي  ولاتهـون

خل الجواب لمن  نشـدك

على بعض  حنـا  نمـون

وأحسن جواب لمن  نقدك

لله فـي خلقـه  شـوؤن

مهل الرويضي