عز الله انك شجاع(ن)شوفتـه هيبـه

عز الله انك شجاع(ن)شوفتـه هيبـه=وبواردي بالرمـي لا حطـت اشـاره
ترم الهدف بـاول الرميـه وتدويبـه=ليـا توجهـت بالرشـاش وعيـاره
وذيب(ن)ليا جاع نصف الليل يسريبـه=ليا يارقد عن حلاله من طفـت نـاره
اللي عسا الموت باسرع وقت يقفيبه=دامه ماسر الرفيق ولاحشـم جـاره
وبيته تبيـع المقـرد بـه وتشريبـه=وتلعبه اللي علـى الشرهـات دواره
اللي تجـر الرجـل بالغنـج وتجيبـه=اللي علـى كـل خلـق الله مـراره
وادرب لو هو بوسط رجـال تمشيبـه=ماغير بالهرج بيـن النـاس فـراره
وتعاند الرجل فـي منـزل معازيبـه=وعيونها للفلـوس الشهـب سبـاره
والدرب لوهوخطر للقـرش تجريبـه=ماهمهاالدرب وش طولـه ومشـواره
وايا مكان(ن)بـه شرهـه تصليبـه=في وصفها كنهـا بـالارض عبـاره
ماحط من فضلت اهل البيت يجريبـه=ومثل جحا تحط وسط البيت مسمـاره
حتى تحطـه عـذر وتقـول حقيبـه=ومن ماعرف وش يمين البيت ويساره
في هالزمن لقـي القبلـه وضحيبـه=وعود الشجر مايقصه غير منشـاره
ومن عذرب الناس جابوله عذاريبـه=والبيت ماينعرف وش داخل اسـواره
وقل الحيا مصيبت(ن)مافوقها مصيبه=وكل(ن)بكيفـه وحـر ماحتـوت داره
والعدل واضح وراع الكذب يدريبه=لو يتهرب منه ويخفي اضراره
ولبد ماينكشف زيفه ولا عيبه=سبحان من يكشفه لو يحفظ اسراره
ياللي زمان(ن) مضى عادك تهذريبه=وش جاب فريس قوم لناس حماره
وراس الطويلات ماكل(ن)يعديبه=وضلع العلم مايساوا في جبل قاره
ومن مارفع قيمته عند العرب طيبه=ينسا ولامات عقبه ماتت اذكاره
والحر ماترحم الصيده مخاليبه=ولا تنجي القاتل احلافه ولاعذاره
والشعر من ماعرف وزنه وتركيبه=مثل العمى اللي ماشاف النجم ونوارها
ياكاتب النقد قلي ويش اسويبه=النفس صارت مابين امرين محتاره
خوف(ن)من الله يعاقبني بتعذيبه=والشيمه اترك صغار القوم لكباره
اعوذ بالله من ابليس ومطاليبه=لادق لشر يوم الغيض مزماره
والا انا عرف(ن)وشلون اببديبه=وصيده مثل صيدت الشعري بسناره
عندي خبر وين يصبحبـه ويمسيبـه=وعندي علومه وجولاتـه ومسيـاره
يامـدور الشرماتحسـب عواقيـبـه=من جاب الاخبار جوه الناس بخبـاره
والشعر ماهـو بيـوم اروح وجيبـه=احفر ساسه باساعه وبنـي اجـداره