اخطيتفي حقي ترى مانت معذور

اخطيت في حقي ترى مانت معذور = لاتعتذر بينت ماكـــــــــــــــــان خافي

ماني على بعض المواضيـــــع مجبور = ماقلت لك لاتجـــــــرح القلب كافي

بكره يبين اللي مع الوقـــــت مسـتور = ونشوف من يمشي على الشوك حافي

صبرت في حبك ليــــــــالي مع شهور = واسهرتني وانت بدفــــا النوم غافي

شفتك بعينــــي مع بعض ناس مسرور= ماني مصـــــــدق بس هذا اكتشافي

ناظر بمـــــــــــــن حوله وونيت مقهور = ولملمت جرحي وانتهت بانصرافي

مع ماجرالــــــــــي عشت دنياك مغرور= وانا عطيتـــك غالي الود صـــــــافي

دنيـــــــــــــاك هذي لازم تلـف وتدور=عليك يا منهــــــــــو بدى بالتجــافي

عزيت هم بخـــــــــــافقي قلت ماجور = واخذت بعــد الغدر سعــي وطوافي

مــات الامل في داخلي واظلم النور=والغربــه بفرقاك صـــــــارت لحــــافي

لولا المفارق ماحصــــــل حب مذكـور = ولولاك والله مانظمــــــــت القوافي