وشلون يهجرني

:
:

آآه يابو عيون ٍسود=غربلتني نعبو حيك
الصدر نكبه وخصرك عود=وضو القمر محرقه ضيك

8
8
8


مجرد مدخلـ ..


اليكم القصيدهـ

اغليـه وآحبـه واعـزه واداريـه=واكـره حياتـي لا فقدتـه ثوانـي
ولامن طلبني شي ماقلت لـه ليـه=ضيف ٍ تمركز بالظلـوع المحانـي
يبشر و يطلب كل ماعندي اعطيـه=الجـادل اللـي للتهالـك رمـانـي
في كل هالدنيا وبالعمر أنا افديه=بس المهم انه يجيني عشاني !!!!
وشلون يهجرني وانا ميت ٍ فيه=حبـه تملكنـي وعشقـه حوانـي
لجله شعلت الشوق والله مطفيـه=لين احظنه حظن ٍ عنيـف بحنانـي
أسكر من المبسم وأضمه واخليه=وأرجع أضمه غصب لو هو عصاني
و أزعله ثم غصب عني أراضيه =عزالله انه بالمحبه بلاني
حتى وانا نايم بحلمي اناديه=ولامن تناسيته خياله لفاني
أغليه انا واغليه واغليه واغليه =حتى تمكني الغلا وأهتواني
وليته يروف شوي في حال مغليه =ويجي يشوف الحال يومه جفاني
حتى يعرف أني وفي والغلا أحييه =واني ذكرته يوم قلبه نساني
وينظر لحال اللي فراقه معنيه=ويشوف منهو كان منا أناني!

أتمنى ان تنال لو على القليل من رضاكم واستحسانكم


أخيكم

الوافي

:
: