صوت وصدى

بسم الله لرحمن الرحيم

السلام عليكم ورحمة الله وبركاته: وبعد


اخواني اعضاء منتديات قبائل بني رشيد اضع بين يديكم ديواني هذا عسى ان ينال اعجابكم ولا استغني عن نقدكم



وهذه القصيدة مساجلة بيني وبين الشاعر حاضر السبيعي

درست الهواء وش عاد لو جدول التدريس = حفظته محال يفيد بالعاصي القاسي
لبست الشقاء عقب الوناسة وصرت تعيس = حبست لرجاء وايّست من عفو حباسي
انا صابني ماصاب مجنون ليلى قيس = هواجيس وهمومٍ بلا حد وأقيا سي
عليك اشتكي يالعامري حاضر ابن فنيس =انا اشكي عليك الحال قبل افقد احساسي
انا مانصيتك يالسبيعي على التوجيس =وانا عارفك ماعرفوني بك الناسي
كريمٍ تحب الطيب يامعرّب التأسيس=فهيمآ مطاليعك بعيدات الارماسي
انا العاشق اللي ما تغزّلت بالتدنيس =تعاليت عن حب الدنس رافعآ راسي
عفيفآ هوانا لكن الحظ صار انحيس =اسيرين مع نوط النحس تاج الاوناسي
قريبين كل القرب عفوآ عن التدنيس =بعيدين كل البعد سمحين الانفاسي

مرد الشاعر حاضر السبيعي

هلا مرحبابك دون عد ولا تقييس=هلابك خويآ هرجته تجلي اعماسي
هلا بك صداها هزتآ في هرم رمسييس =لها صوت باركان الهرم مثل الاجراسي
هلابك عدد من يسكن الصين مع باريس =فؤادي فرحبك عد ماهب نسناسي
خويآ تعرف ان الصداقة لها تقديس =عديم مثيلك بالوفاء مالك اجناسي
تحوش المراجل صدق ماهو على التهجيس =ولك عادة بالجود ياطيب الساسي
تقول ان حبه داخل القلب له تجريس =ولافاد فيك الدرس لو تاخذ الكاسي
ترى‘ العشق ياحجاج مايحتمل تمسيس=ترى‘ الامر بيدك وانت للعرف لبّاسي
اضنك قريب الظل وموالف التشميس =ومدرس قبل امس واليوم درّاسي
تراني معك مجهودي ابذله بالتكريس =لعيناك لا تضرب له اخماس واسداسي
انا لك بوقت مانفع فيه ولد الهيس =مادامي معك ابعد شبح كل الافلاسي